Turismo cremonese (1940) parole e musica di Umberto Sterzati. Ascolta la lettura di Agostino Melega

Suona il telefono. Dall'altra parte c'è Agostino Melega. due battute poi si arriva al dunque. "E' tempo di vacanze perchè non riproponi un valzer di Umberto Sterzati che ho ritrovato su un vecchio libretto edito nel 1964. Si intitola 'Quatèr rime e dò cansòon....ma in sùstanza pòoc de bòon". La canzone si chiama 'Turismo cremonese' ed è stata scritta nel 1940. Visto che si parla di rilancio del turismo cremonese, perchè non farla conoscere?". Ecco la poesia in musica del maestro Sterzati che invita a visitare Cremona e dintorni.

Turismo cremonese (1940)

Quan fàa càalt teûti i scàpa in mùntagna, i và al màar o al làag, in campagna,

a Viarégio, a Gardòon de Val Trómpia,

(cul bursél... che da pièen po' 'l se sgónfia)

...e i sà mìia che nèl cremunées

g'um di sìit da fàa invidia ai francées

cun alberghi - ma mìia di scarlòs-

che i g'àa l'àqua corente in dèl fòs.

Di paesòon, de le bèle casìne,

pupulade quan gh'è le galìine

cun cuncèert de manzóoi e de ràne

che i ne cànta ariéte nustràne.

Ritornello

Visitée Perseghél,

Stàgn Lumbard, el Furcél

cusé Sèst cun Luignàan,

Picenèeng l'è mìia luntàan

el sumiglia 'n po' a Milàan;

Brédalunga, Ulmenéeda

Drisùna, Usulàar

Castagnìin e Cà dèl Giàs,

chi a Cremùna se và a spàs sensa arie da gradàs.

Scumbarùuns, Gabiunéeda, Vescuàat,

Cà de Stéven e Cà de Sfundràat:

se gh'è mìia 'l pasapòort fà negóta

per andàa a Barbiséle, a Casòta.

----

L'arzenél de Panisa... che gloria!

di murùus el sà teûta la storia;

le buschine de Pòo, mìia pèr nièent,

quante còpie le g'àa per clièent!

El Turàs cui sóo centquindés metér

che in Italia neseûn póol cumpetér,

in giardéen gh'è trè bèle pütéle

che teût l'an le se mustra nüdele.

Seû le rive de la « Marchesana

se respira de l'aria... 'n po' sana

...andèe al « bodri », a la « lanca », per via:

Che tramont!... che bèl cieel!... che pùesia!

Ritornello

Visitèe Pescaról,

Rumperzàgn, Sigugnóol,

San Feliis e Curt de Fràat:

Che vedute!... che pecàat

che i sìa pòost desmentegaat!

Malagniin, Spinadèsch,

Aquanegra, Gadesch,

Cà dèl Bìs o Cà dìi Gàt

i è di pòst che 'n dìit e fàt

i ne fàa diventàa màt;

San Daniéel, la Levàada, cun Fèng

o Piéef d'Ulmi, Càpéela, Puléng:

Che delisia, che véra cücagna

vegnìi teûti a Cremuna in campàgna!